U samla uba dang 22 snem ka rta u la shah kem ha ki pulit bad thep ia u sha patok jong ka Lakhimpur Kheri mynha ka sngi Saitjain hadien ba u la shah kynnoh ba u la set ia kawei ka khynnah kynthei kaba dang 17 snem ka rta haduh lai sngi lai miet ban leh be-ijot hadien ba kane ka kynthei ka la kyntait ban iathoh bad u.
Une u samla shynrang u la pyndonkam da u nar uba khluit ban thoh kyrteng jong u ha durkhmat da ka kyrteng jong u, kaba thoh Aman hadien ba u la dep pynshitom ia ka da kaba tied bad shoh.
Na ka liang kiba haiing hasem ki la leit ban ai da ka ejahar shakhmat ki pulit bad ki pulit ruh ki la tohkit ia une u samla.
Une u khynnah shynrang u la kwah palat ban iathoh bad kane ka kynthei hynrei ka la kyntait bad dei ha kane ka por u la set ia kane ka kynthei ha kawei ka kamra haduh lai sngi.