Ha tynrai dieng hap shong ki riewngeit ia ka jingiaseng KJP Assembly ki samla ha Balang Mawlong ba shit ka sngi

Shillong, Iaiong 15:

Ki riewngeit jong ka balang Presbyterian kiba la poi ha ka jingiaseng Khasi Jaintia Presbyterian Assembly jong ki samla kaba 11 kaba la long ha balang Presbyterian Mawlong, Sohra Presbytery, kjp synod sepngi kaba hap ha Shella constituency, East Khasi Hills District kiba bun ki dei kiba shong ha tynrai dieng namar ka jingshit kyrang ka sngi kaba la long mynta ka sngi u Blei ka 14 tarik Iaiong 2024.

Kane ka jingiaseng KJP Assembly ka dei ka jingiakynduh kaba shisien shisnem ki samla jong ki lai tylli ki Synod kata ka KJP Synod Sepngi, KJP Synod Mihngi bad KJP Synod Pdeng.

Katba ki riewngeit kiba shong ha madan ki la hap ban kup da ka shatri namar ka jingshit palat ka sngi.

Kane ka jingiaseng ka la sdang naduh ka 12 tarik bad kut mynta ka sngi ka 14 tarik Iaiong 2024 ia kaba la pyniaid ia ka jingiaseng da u Chairman u Rev. SD Lanong bad la pynshngain ia ka jingiaseng da ka jingrwai ka KJP Standing Choir Mihngi, Sepngi, Pdeng, Balang Mawreng, Mawlong, Mookaiaw, Lama bad jingiaseng khynnah balang Mawlong.

Ha ka jingiaseng kaba 10;30 mynstep la sam ia khubor n aka ktien jong u Blei da u Rev.PW Makdoh bad ha ka jingiaseng kaba 1:30 nohphai sngi la sam ia ka khubor na u Rev.CL Laloo.

U pastor SD Lanong u la iathuh b aka jingshit ka suinbneng ha ka sngi Saitjain ka poi palat 32 degree bad mynta ka sngi u blei ka jingshit ka poi 24 degree