Ka Israel Construction Industry ka la kyrpad na u Myntri rangbah ka Israel u Benjamin Netanyahu ba kan ai jingbit ba kin shim wai nongbylla haduh shi lak ngut na India ba kin pyntrei iaki kam bapher bapher ha Israel.
Kane ka jingduna nongtrei ki company ha Israel ka dei hadien ba ia ki work permit na Palestine la shah pynsangeh noh hadien ka jinghiar thma ki Hamas ia ka Israel ha ka 7 tarik Risaw 2023.
Ka Israel Builder Association ka la iakren bad ka sorkar India ba kan ai nongbylla bad ka sorkar India kan soi ia ka jingmynjur ban ai tang 42 hajar ngut.
Kumban shu pynkynmaw ka sorkar India ka la pynbna da ka Operation Ajay ban leit shaw noh ia ki nong India ha Israel kiba leit trei ha katei kari hadien ka thma.
Katkum ka samari jong u snem 2021 kaba la shu khein antad ka India kan kiew haduh 140 klur ngut ka jingdon briew.